اسلام آباد – 18 مئي (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب سي پي اين اي جي نئين چونڊيل صدر ضياءَ شاهد ۽ سيڪريٽري اعجازالحق سميت ٻين چونڊيل عهديدارن کي مبارڪباد ڏني. پنهنجي مبارڪباد واري پيغام ۾ مملڪتي وزير مريم اورنگزيب چيو ته اظهار راءِ جي آزادي جو حق ڪنهن به آزاد ۽ جمهوري معاشري جي لاءِ لازمي آهي، موجوده جمهوري حڪومت اظهار راءِ جي آزادي جي بنيادي ۽ آئيني حق تي يقين رکي ٿي.
