اسلام آباد – 25 فيبروري (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته اسلام آباد هاءِ ڪورٽ نواز شريف جي طبي بنيادن تي ضمانت جي درخواست تي صحيح قانوني فيصلو ڏنو آهي، جيڪڏهن طبي بنيادن تي ضمانت ٿيڻ شروع ٿي وڃي ته ايمنسٽي اسڪيم بڻجي ويندي ۽ اڌ جيل خالي ٿي ويندا، ڪيترن ئي ڏهاڪن کان اقتدار ۾ رهندڙ چون ٿا ته اسان جو علاج پاڪستان جي اسپتالن ۾ نه آهي پر ٻاهرئين ملڪن مان ڪرايو وڃي، اهي رڳو پاڪستان جو وزيراعظم بڻجڻ چاهين ٿا، عدالتي فيصلي کانپوءِ ڊيل يا ڍر جو اثر به ختم ٿي ويو آهي. هو پاڪستان هائوس جي اهتمام هيٺ انٽرنيشنل ڪانفرنس کي خطاب ۽ صحافين سان ڳالهائي رهيو هو.
