اسلام آباد – 30 مئي (اي پي پي) وزيراعظم عمران خان چيو آهي ته ڪو به ملڪ ان وقت تائين ترقي نٿو ڪري سگهي جيستائين ان جي عوام ٽيڪس نه ڏي، پاڪستان ۾ صرف هڪ سيڪڙو ٽيڪس ڏيندڙ 22 ڪروڙ عوام جو بار کڻي رهيا آهن، ملڪي تاريخ ۾ سڀ کان آسان ايمنسٽي اسڪيم مان 30 جون تائين فائدو کڻندي پنهنجا اثاثا ڊڪليئر ڪريو، اهو توهان ۽ ملڪ جي لاءِ انتهائي فائديمند هوندو، يقين ڏياريان ٿو ته ٽيڪس جو پئسو عوام ۽ ملڪ تي خرچ ٿيندو ۽ ان کي چوري ٿيڻ نه ڏيندس، عوام جي نالي هڪ وڊيو پيغام ۾ وزيراعظم عمران خان چيو ته 22 ڪروڙ عوام مان صرف هڪ سيڪڙو ٽيڪس فائلرز آهي يعني هڪ سيڪڙو پاڪستاني 22 ڪروڙ پاڪستانين جو بار کڻي رهيا آهن اهو ناممڪن آهي.
